Junto a mi gran amigo Vidal, hemos creado un post que invita a reflexionar sobre las diferentes formas que la cultura nos ha inculcado para responder a un mismo hecho:
la visita de nuestras emociones...
- Pá! nun pueo dormir
- Ven p'acá que te voy contar un cuentu de dos neños que yo conocí....
 |
Nel y Pelayo entamaron xuntos na escuela. Esi añu, tocó-yos col mayestru Pepín, que tenía fama de ser un poco repunante.
La escuela del Condao taba pasando la casa'l cura y, los dos collacios xuntábense ellí pa toles coses que diben facer xuntos: dir pa escuela, dir a xugar a la plaza, dir a robar mazanes al vecín de Nel o baxar hasta'l ríu cuando nel branu entamaba facer fresquino.
Pero, pasando dos años los pas de Nel xuntaron a tola familia pa conta-yos que'l trabayu taba malo y ellí nun había llabor, y teníen que colar pa los Madriles onde'l pá topara un trabayín pa dir tirando.
Nel corrió pa la plaza onde taba'l so amigu:
- mio pá diz que tenemos que dir pa Madrid, ¿qué voi facer yo ellí?
- ¿y qué voi facer yo equí si tu nun tas?
Los dos collacios nun lloraron por vergoña, yá yeren dos paisanucos, pero'l coral saltába-yos del pechu.
Antes, nun yera como agora onde'l móvil, facebook, tuenti y toes eses coses faen que les comunicaciones sean bramente fáciles. ¡El teléfonu!, reñía'l pá o la ma d'un o d'otru cuando charraben más de la cuenta.
Asina que poco a poco Nel y Pelayo dexaron de saber ún d'otu.
Pasaron los años y Pelayo mui aficionáu al monte, entamó a trabayar nun equipu de rescate. Tábemos yá nel mes de payares y la ñeve asomó ceo pelos picos. Na central llegó l'avisu d'un montañeru perdíu nos Picos d'Europa. Tol equipu preparóse pa la busca, pero too pintaba mal...volvía la ventisca y nun se vía un ris.
Cuando'l equipu decide dexalo por imposible oyeron un glayíu que venía d'unos matos;
cuerdes, mantes, ñervios, rasguños! y col últimu alientu llegaron a garrar a un rapaz que se-yos esmucía pente les manes.
¡Trabayu fechu! camentaba Pelayo; y entós escuchó:
- ¡Oye! ¿yes tú?
Pelayo miró de frente p'aquel mozu tou maturiáu que-y dedicaba una sonrisa, y averándose a él dixo:
- ¿Sí, quies daqué?
- Soi yo, ¡Nel!
Los dos mozos xuntáronse nun abrazu y magar que "llorar nun ye de paisanos", les llárimes entamaron a xurdir de los güeyos de los dos collacios.
Y colorín, coloráu, esti cuentu s'acabáu.
- ¿Qué, prestóte'l cuentu?
El nenu dempués de camentar un ratu dixo:
- Los homes tamién lloren y tienen sentimientos, ¿Eh, pá?.
En la sociedad en la que estamos inmersos nos enseñan a que sean las mujeres la que representan el mundo afectivo (el amor, el cariño, la comprensión, la ternura..) mientras que los hombres son los encargados de representar lo racional (la protección de la familia, pensar con la cabeza y no con el corazón..).
Poco a poco y afortunadamente, nos vamos despidiéndo del clásico "los hombres nunca lloran". De esta forma se desvanecen estereotipos que poco ayudan a alcanzar la verdadera igualdad entre la mujer y el hombre.
Pa enteranos toos, averámonos al castellanu:
- entamar: empezar/ comenzar
- coral: corazón
- branu: verano
- bramente: verdaderamente
- pas: padres (pá:padre; ma:madre).
- Payares: Noviembre
- colar: marchar
- ceo: pronto
- colláceos: amigos
- glayíu: grito
- vergoña: vergüenza
- esmucise: escaparse
- camentaba: pensaba
- ¿quies daqué?:¿qué quieres?
- maturiáu: mal herido
- magar: aunque
- averóse: se acercó
Agradezco a mi amigo Vidal su apoyo y su ayuda incondicional.
